Erling Haaland beson se aktualisht po kalon momentin më të mirë të karrierës së tij.
Sulmuesi i Manchester Cityt shënoi golin e fitores ndaj Brentfordit (1–0) në Ligën Premier, duke zgjatur serinë e tij të shënimit në nëntë ndeshje radhazi.
Pas përfundimit të ndeshjes, ylli norvegjez u pyet nëse kjo është forma më e mirë e jetës së tij, dhe përgjigjja e tij ishte e sinqertë dhe plot vetëbesim.
“Mund të them po, sepse nuk jam ndjerë kurrë më mirë se tani. Pra, po, mendoj se mund ta thuash këtë”.
Haaland shtoi se një ndikim të madh në mirëqenien e tij mendore dhe fizike ka pasur edhe lindja e djalit të tij, i cili e ka ndihmuar të gjejë më shumë qetësi jashtë fushës.
“Sinqerisht, që kur linda fëmija im, jam ndjerë edhe më mirë, sepse jam shkëputur nga realiteti. Nuk mendoj fare për futbollin, kur je i ri, mendon për të gjitha llojet e gjërave dhe ndoshta shqetësohesh për këtë e atë”.
“Por kur kthehem në shtëpi, relaksohem edhe më shumë, kështu që mendoj se duhet ta falënderoj djalin tim”, tha Haaland.
25-vjeçari është në top formë ku këtë edicion në Ligën Premier ka shënuar 9 gola dhe ka dhuruar një asistim në shtatë ndeshje.
Ndërkohë ai ka edhe tre gola në dy ndeshje në Ligën e Kampionëve dhe tre gola të tjerë e një asistim në Kupën e Botës për Klube.
