Së bashku me avokatin e saj po merr rrugën për në Gjykatën Themelorë të Ferizajt.
Adile Sadriu gruaja nga Gjilani, që është me problem mendore në vitin 2024 kishte raportuar për dhunën fizike që i ushtroi personi me të cilin bashkëjetonte në atë kohë.
E dëmtuar në deklaratën e dhënë në Stacionin Policor në Ferizaj me datën 25.01:2024 kishte deklaruar se dy ditë më parë ajo ishte rrahur nga i akuzuari B.S.
Ajo madje kishte thënë se nuk e ndjen vetën të frikësuar e as që nuk ka nevojë për urdhër mbrojtje.
Ndërsa i pandehuri kishte deklaruar se e dëmtuara kishte qenë nën ndikim të alkoolit dhe se ishte rrëzuar nga shtrati e si pasojë i janë shkaktuar edhe shenjat.
Ndaj këtij të fundit është ngritur aktakuzë këtë të martë për veprën Dhunë në Familje.
E detaje për seancën gjyqësore dha avokati i palës së dëmtuar Hamdi Jashari.
“Sot ishte një seancë gjyqësore, seanca fillestare veç se ish mbajt më herët e Adile Sadritu, por jo për rastin e fundit. Ka qenë një rast në vitin 2024 me 24 janar kur i dyshuari i njëjtë që ka ushtruar dhunë të vrazhdë në vitin 2025 para një muaji ka ushtuar dhunë edhe para një viti. Kjo vetëm e vërteton atë që kjo pretendon se është dhunuar sistematikisht edhe në mënyrë fizike edhe në format e e tjera”, ka thënë Jashari.
Avokati i 31 vjeçares, ka kërkuar që seanca të ndërpritet.
“Pasi që propozimi jonë ka qenë që të njëjtës të i behët një ekzaminim apo një vlerësim nga ana e psikologut. Në mënyrë që të vlerësohet se a është e aftë, a është e orientuar në kohë dhe në hapësirë si dhe në vëmendje, në mënyrë që deklarata e saj pastaj të ketë fuqi në instancat e tjera”, tha ai.
Madje sipas këtij të fundit, i akuzuari nuk e ka pranuar fajësinë.
“Deklarimi i të akuzuarit ishte që nuk e ndjen veten fajtor, për më tepër i njëjti edhe me gjestikulacione, me sjellje e shpërfaqte një krenari edhe një ndjenjë të pafajësisë. E kjo po që është tepër shqetësuese tu e pas parasysh se rasti i fundit it ë njëjtë është bërë mediatike dhe e kemi parë të gjithë se çfarë dhune ajo ka pësuar. Se ka pësuar dhunë prej tij, kjo është më se e sigurt”, u shpreh avokati.
Dhuna që dyshohet se u shtrua në vitin 2025 ndaj Adile Sadriut, nga po i njëjti person bëri që të zhvillohen protesta.
