Ai duke komentuar vendimin e fundit të Qeverisë për targat, e cila nuk përfilli kërkesat e SHBA-së dhe BE-së shtyrje të afatit për konvertimin e targave nga serbët në veri të Mitrovicës, ka thënë se Kurti e Osmani duke bërë lojëra po rrezikojnë aleancën me vendet demokratike.
Ish-koordinatori për dialog ka thënë rreziku më i madh Kosovës i vije nga Kurti e Osmani.
“Kosova është shtet, mbi të gjitha falë përkrahjes së pakursyer e vendimtare të botës dhe demokracive perëndimore me në krye SHBA-të! Ndërkohë që sot Kosova udhëhiqet nga dy aventuristë egocentrik e narcisoid, të cilët duke bërë lojëra fëmijësh me TARGA, po rrënojnë aleancën dhe partneritetin me vendet më demokratike, përkatësisht me përkrahësit strategjikë të Kosovës në botë”, ka shkruar ai të shtunën në Facebook raporton teve1.info.
Ai ka shkruar Status-quoja në raportet me Serbinë është armiku më i madh i Kosovës sot dhe nesër.
“Dialogu me Serbinë dhe normalizimi i plotë i marrëdhënieve ndërshtetërore me njohje të ndërsjellë është dhe duhet të jet prioritet mbi të gjitha prioritet i çdo qeverie të Kosovës. Prandaj, pa u vonuar, dialogu me Serbinë duhet të rikthehet në kornizën e duhur. Duhet pa vonesë të ndalen lojërat e targave dhe marrëveshja gjithëpërfshirëse të vendoset si prioritet dhe urgjencë. Një marrëveshje e tillë, të gjitha këto çështjet periferike, si kjo puna e targave, i bënë lehtë të zbatueshme”, ka shkruar ai.
Kryeministri i Kosovës, Albin Kurti të premten njoftoi për shtyrje të afatit për targat i cili përfundonte më 31 tetor, por Qeveria ka vendos afate të reja për zbatimin e kësaj marrëveshje.
Sipas vendimi nga 1 nëntori deri më 21 nëntor do të jetë masa e qortimit, pastaj për dy muaj deri më 21 janar do të jetë masa e gjobitjes, dhe më pastaj nga 21 janari do të kemi targa provuese për dy muaj të tjerë, pas së cilës datë nga 21 prilli nuk do të lejohen targat tjera përveç atyre “RKS”.
Pas këtij vendimi ka reaguar edhe SHBA, e cila siç është thënë në deklaratë është shprehur e shqetësuar dhe e zhgënjyer që Qeveria e Kosovës nuk mori parasysh kërkesën për shtyrje të afatit.
SHBA edhe BE kishin kërkuar nga Qeveria që vendimi të shtyhet deri në 10 muaj./teve1.info/
