Në emisionin “Këndi i Debatit”, në Tëvë1, Hyseni tha se Kosova duhet të përqendrohet në detyrat urgjente që i ka për t’i hequr pengesat politike dhe diplomatike nga rruga.
Si punën të madhe në këtë proces Hyseni e sheh rregullimin e marrëdhënieve me pesë shtete e Bashkimit Evropian që ende nuk e kanë njohur Kosovën.
“Tash mbetet të bëhet punë shumë e madhe bilteralisht me Spanjën, Sllovakinë, Rumanin, Qipron dhe Greqinë duhet të bëhet punë e madhe që Kosova t’i bind ato shtete që edhe në rrafshin e reformave administrative, legave edhe brenda përbrenda asaj qe tashmë e kemi marrëveshjen e stabilizim asocimit… Kosova duhet të përqendrohet në detyrat urgjente që i ka për t’i hequr ato post blloqe politike, diplomatike nga rruga e Kosovës jo vetëm drejt Evropës por drejt çdo anëtarësimi edhe partneritet për paqe me NATO”, tha ai.
Tutje Hyseni tha se ndër punët më kryesore të Kosovës në këtë drejtim, në rrugën drejt BE-së është dialogu me Serbinë.
“Ajo që duhet të na shqetësoj është heqja e të gjitha barrierave që unë i quaj postblloqe politike e diplomatike, domethënë pengesa të mëdha në rrugën e Kosovës drejt Bashkimit Evropian dhe një më ma madhoret dhe qenësore është dialogu me Serbinë dhe përmbyllja e konfliktit, konteksti me Serbinë me një marrëveshje të përgjithshme gjithëpërfshirëse, ligjërisht të obligueshme dhe ndërkombëtarisht të sanksionuar”, shtoi ai.
Ndërsa sa i përket mundësisë së aplikimit të Kosovës për anëtarësim në Aleancën Veriatlantike të NATO-s, Hyseni tha përderisa nuk e njohin Kosovën katër vendet anëtare të NATO-s nga BE-ja, Kosova e ka madje problem të dorëzoj aplikacion./Teve1.info/
