Hyseni tha se rreth 80 për qind e të burgosurve politikë në gjithë ish-Jugosllavinë kanë qenë shqiptarë.
“Sipas të dhënave të statistikave, ka pasur një burim të CIA-s amerikane edhe gjatë viteve të mëparshme, rreth 80 për qind e të burgosurve politikë në gjithë Jugosllavinë kanë qenë shqiptarë. Edhe sipas një raporti të botuar tash vonë nga Instituti Albanologjik, gjatë fundit të viteve 80-ta është bërë një hulumtim dhe konstatohet se të burgosurit politikë shqiptarë përbënin rreth 90 për qind të numrit të të gjithë të burgosurve politikë në gjithë Jugosllavinë”, tha ai.
Tutje Hyseni deklaroi se vetëm deri në vitin 1952 në ish-Jugosllavi ishin burgosur rreth 3 milionë njerëz për shkaqe politike, kurse ishin ekzekutuar afër 600 mijë njerëz.
“Sipas raportit të Aleksandër Rankoviqit i cili ishte nënkryetar i Kuvendit të ish- Jugosllavisë atëherë vetëm deri në vitin 1952 në Jugosllavi ishin burgosur rreth 3 milionë njerëz për shkaqe politike. Kuse ishin ekzekutuar afër 600 mijë njerëz në gjithë Jugosllavinë”, theksoi ai.
Ndër të tjera, Hyseni gjatë emisionit “Info Nata” foli edhe për veprimtarin e çështjes kombëtare Ukshin Hotin për të cilin tha se do të mbetet shembull i intelektualit atdhetar.
“Ukshin Hoti mbetet shembull i intelektualit atdhetar të tipit të Fa Nolit e të tjerëve. Ukshini ishte njohësi më i mirë i strategjisë së padhunshme politike dhe mund të them se ishte prototip i një angazhimi të tillë. Por Ukshini e njihte atë në tërësinë e kësaj strategjie”, tha Hyseni në Tëvë1.
