Një person ka humbur jetën dhe dy të tjerë janë lënduar si pasojë e një aksidenti trafiku në fshatin Cërrcë të Istogut.
Sipas njoftimit të policisë, ngjarja ka ndodhur rreth orës 00:02, ku në aksident ishin të përfshira dy vetura.
“Nё kёtё aksident ishin tё përfshira dy vetura dhe si pasojё e kёtij aksidenti lëndime trupore kanё pёsuar tre (3) persona, tё njëjtit janё dёrguar me autoambulancё nё spitalin rajonal nё Pejё, nga ekipi mjekёsor ёshtё konstatuar vdekja e njёrit nga tё lënduarit, ndёrsa dy (2) tё lënduarit tjerё pas trajtimit në spital, njёri nga ta pёr shkak tё natyrёs sё lëndimeve ёshtё dёrguar në QKUK-Prishtinё”, thuhet në njoftim.
Lidhur me rastin, bëhet e ditur se, me urdhër të prokurorit të shtetit, trupi i pajetë i viktimës është dërguar në Institutin e Mjekësisë Ligjore (IML) për obduksion, ndërsa rasti, siç bën të ditur policia, është duke u hetuar nga Njësiti Rajonal i Komunikacionit Rrugor, DRP-Pejë.
