Hoti duke kritikuar Qeverinë tha se për shkak të mosrealizimit të shpenzimeve kapitale nga Qeveria, sot ekonomisë i mungojnë rreth 200 milionë euro në qarkullim.
“Sipas raportit të buxhetit për janar-shtator 2022, vetëm 21% e investimeve kapitale janë realizuar (158 mil nga 764 mil të planifikuara). Kjo është 29% më pak se më 2021 dhe 24% më pak se më 2020. Kjo po na kushton shtrenjtë. Për shkak të mosrealizimit të shpenzimeve kapitale, sot ekonomisë i mungojnë rreth 200 milionë euro në qarkullim. Ka ministri, siç është Ministria e Industrisë, me vetëm 5% realizim të shpenzimeve kapitale, apo Ministria e Shëndetësisë dhe Ministria e Financave me 6%, Ministria e Ekonomisë me 13%, Ministria e Mbrojtjes me 15% etj, ka shkruar ai.
Tutje ai tha se paratë në llogarinë e Qeverisë kanë arritur në 678 milionë euro, dyfish më shumë sesa që është e nevojshëm, e sipas tij, sikur të mos mbaheshin këto mjete në llogari sot ekonomia do të kishte 300 milionë euro në qarkullim.
“Paratë e gatshme në llogarinë e Qeverisë kanë arritur në 678 milionë euro, dyfish më shumë sesa që është e nevojshëm. Rrjedhimisht, mund të ishte pezulluar akciza në naftë, si dhe përgjysmuar TVSH-ja në naftë dhe në mallra ushqimore, pa shkaktuar asnjë vështirësi buxhetore për Qeverinë. Sikur të mos mblidheshin këto mjete vetëm sa për t’i mbajtur në llogari, sot ekonomia do të kishte edhe 300 mil euro në qarkullim. Këto mjetet tanimë janë zhvlerësuar nga infalcioni për rreth 20%, që është rreth 136 mil euro”, shkroi ai.
Sipas ish-kryeministrit, Qeveria as nuk po i shpenzon paratë e mbledhura por as nuk po ua jep qytetarëve, teksa theksoi se sot në ekonomi ka rreth 500 milionë euro më pak për shkak të paditurisë./teve1.info./
