Thierry Henry beson se Zinedine Zidane është duke pritur për t’u bërë menagjer i kombëtares franceze, para se të bëhet trajner i Juventus.
Juventus nuk po kalon në formën më të mirë dhe u eliminua edhe nga Liga e Kampionëve, kështu që pozita e Max Allegrit në stolin e tyre mund të lëkundet.
Në anën tjetër, Zidane ditë më parë ka thënë se ai do të kthehet shumë shpejt në veprimtarinë e trajnerit, deri sa Henry shprehet se ai e sheh si opsion Francën.
“Unë nuk besoj se ai do të shkojë atje (Juventus). Unë mendoj se ai është duke pritur vetëm një gjë. Ekipin kombëtar. Ai ka fituar 3 Champions League me Real Madrid”, tha ish sulmuesi francez.
Megjithatë, në Kupën e Botës kombëtarja franceze do të udhëhiqet nga Didier Deschamps.
