Kombëtarja A e Kosovës në hendboll ka nisur përgatitjet për angazhimet e radhës ndërkombëtare, duke udhëtuar sot drejt Sllovenisë.
Ekipi ynë kombëtar do të vendoset në qytetin Laško, ku do të zhvillojë një kamp përgatitor disa-ditor, me qëllim rritjen e formës fizike dhe harmonizimin e lojës së ekipit.
Gjatë qëndrimit në Slloveni, Kombëtarja e Kosovës do të zhvillojë edhe dy ndeshje miqësore ndërkombëtare, të cilat do t’i shërbejnë shtabit teknik për të testuar gjendjen e lojtarëve.
Ndeshja e parë do të luhet të enjten, duke filluar nga ora 17:00 në Laško, ku Kosova do të përballet me Kombëtaren e Kuvajtit.
Ndërkohë, ndeshja e dytë miqësore është planifikuar për të shtunën nga ora 11:00 në Rogaška Slatina, ku përballë Kosovës do të jetë Kombëtarja e Algjerisë.
Përzgjedhësi i Kombëtares, Jesper Östlund, për këtë grumbullim ka ftuar gjithsej 18 lojtarë.
Megjithatë, ai po përballet me mungesa të shumta, pasi mbi dhjetë hendbollistë nuk kanë mundur t’i bashkohen ekipit, kryesisht për shkak të lëndimeve. Pavarësisht kësaj situate, Östlund ka vendosur t’u japë hapësirë disa emrave të rinj, të cilët do të kenë mundësi të dëshmojnë vlerat e tyre
