Deputeti i Lidhjes Demokratike të Kosovës, Lutfi Haziri ka komentuar ngjarjet e fundit në seancën për konstituimin e Kuvendit, duke thënë se agjenda e fshehur po ecën.
Në një postim në Facebook Haziri situatën e ka përshkruar si “Politikë ‘një hap para e dy prapa’ edhe në rastin e konstituimit të Kuvendit”.
“Kur të gjithë besonin që me zgjedhjen e Kryetarit dhe Nënkryetarëve të shumicës politike e etnike, u bë një hap para, ndodhi veprimi. Ndarja e zgjedhjes së Nënkryetarëve të pakicave dhe dy hapa prapa. Asgjë e re. Më rëndësi që agjenda e fshehur po ecën”, ka shkruar Haziri.
Më tej, ai thotë se LVV nuk don ta kupton frymën e Kushtetutës që bashkëpunimi është obligativ e jo vullnet.
“Politikë ‘një hap para e dy prapa’ edhe në rastin e konstituimit të Kuvendit Këta s’e kuptojmë ose nuk duan ta kuptojnë frymën e Kushtetutës që bashkëpunimi është obligator e jo vullnet. Pragmatizmi politik e kompromisi janë vlera në politikë e jo dobësi. Sa i përket të drejtave për komunitetet pakicë në Kosovë edhe vetë jam bindur tash se pse miqtë ndërkombëtarë na kërkonin që t’i bënim e garantonim vetëm me mekanizma kushtetues”, tha ai ndër të tjera./teve1.info/
