Deputeti i Partisë Demokratike të Kosovës, Bekim Haxhiu, thotë se kryeministri i Kosovës, Albin Kurti, është frikësuar nga arrestimi i tre bashkëpunëtorëve të tij, dhe se ka zgjedhur t’i sulmoj institucionet e zbatimit të ligjit, mediat dhe opozitën.
Haxhiu, thotë se votuesit e Kurtit nuk po munden ta besojnë që ai po i mbron “hajnat e rezervës shtetërore, hajnat e energjisë, hajnat e barnave në shëndetësi, dhe hesht për asambleistin e tij drogagji”.
Tutje, deputeti opozitar thotë se bastisjet e djeshme nga Policia e Kosovës janë realizuar në objektin që Kurti e vendqëndrim për takimet e tij sekrete.
“Bastisjet dje u zhvilluan në objektin që Albin Kurti e ka vend qëndrim për takimet e tij sekrete, me lift special zbret dhe takon njerëz që veç Ridi e din më mirë për ato takime. Ridi tash në burg, prandaj Albin Kurti para se t’i sulmoj të tjerët duhet të sqarohet jo vetëm për përmbajtjen e takimit të tij me Lajqakun në lokalin “Bukë e Zemër” por për lidhjen dhe afërsinë e tij me Ridin”, ka shkruar Haxhiu në Facebook.
Sipas tij, nuk kanë faj opozita, mediat, e as prokuroria pse Kurti i ka “hajna e drogagji bashkëpuntorët e arrestuar në Kosovë e Shqipëri”.
Përfund, ai tha se tash Kurti krijon ndonjë kauzë të re për ta trullosur mendjen e votuesve.
“Tash e krijonë ndonjë kauzë, në Veri apo Maqedoni me ua trullosë mendjen e lehtë votuesve, ua lexon ndonjë poezi, del e thotë ndonjë frazë a thënie filizofike e mendon që populli është dele e i beson sërish rrenat e tij”, ka shkruar Haxhiu./teve1.info/
