Profesori universitar, Bardhyl Hasanpapaj shprehet i dëshpëruar me faktin se nuk po bindën të gjithë deputetët e Lidhjes Demokratike të Kosovës për votimin e Bekim Sejdiut për president të Kosovës.
“LDK e ka propozuar një person shumë profesionist si Bekim Sejdiu. Mendoj se ai është dashur që të votohet për president. LDK ka bërë përpjekje serioze për gjetjen e një presidenti dhe mendoj se populli do ta vlerësojë këtë fakt. Kushdo që tenton ta fajësojë LDK-në për mos-zgjedhjen e presidentit, ka qëllime djallëzore”, ka thënë Bardhyl Hasanpapaj në emisionin “Këndi i Debatit” në Tëvë1.
Hasanpapaj i cili në zgjedhjet i fundit ishte kandidat i LDK-së për deputet, ndër të tjera thekson se nëse jo Sejdiu, ka mundur të propozohet ndonjë tjetër emër. “Nëse jo Sejdiu, mund të propozohej dikush tjetër për president”, vlerësoi Hasanpapaj.
Kryeministri në detyrë i Kosovës. Alnin Kurti negocioi vetëm me Lidhjen Demokratike për president. Me këtë parti ditë më parë u dakorduan për emrin e Bekim Sejdiut për kandidat për president.
Por gjashtë deputetë të LDK-së e kundërshtuan dhe numrat tani janë në rrezik.
Vetëvendosje me 53 deputetë të vet dhe me deputetët minoritarë joserbë e ka shumicën e thjeshtë për të formuar Qeverinë dhe konstituuar Kuvendin.
Gjithgesi, për president duhen 80 deputetë të jenë në sallë në dy rundet e para.
