Ambasadori i Mbretërisë së Bashkuar në Kosovë, Jonathan Hargreaves, ka mirëpritur njohjen e Kosovës nga Siria si një shtet sovran dhe i pavarur.
Ai e ka cilësuar këtë vendim si një hap të rëndësishëm për konsolidimin e pozitës ndërkombëtare të Kosovës dhe për rrugëtimin e saj drejt integrimeve euro-atlantike.
Ambasadori Hargreaves ka theksuar se Mbretëria e Bashkuar ka qëndruar gjithmonë pranë Kosovës dhe i inkurajon edhe vendet e tjera që të njohin pavarësinë e saj.
Sipas tij, njohjet ndërkombëtare nuk janë thjesht simbolike, por forcojnë paqen, stabilitetin dhe bashkëpunimin në tërë rajonin e Ballkanit Perëndimor.
“Mirëpres njohjen e Kosovës si shtet sovran dhe i pavarur nga Siria. Kjo shënon një hap të rëndësishëm për pozitën ndërkombëtare të Kosovës dhe për rrugëtimin e saj drejt integrimeve euro-atlantike. Mbretëria e Bashkuar ka qëndruar krenarisht pranë Kosovës që nga dita e parë, dhe ne vazhdojmë të inkurajojmë të gjitha vendet të bashkohen me konsensusin në rritje për mbështetjen e pavarësisë, demokracisë dhe të ardhmes shumë-etnike të Kosovës. Njohja ka rëndësi: ajo forcon paqen, stabilitetin dhe bashkëpunimin në tërë Ballkanin Perëndimor”, ka shkruar ai në Facebook./teve1.info/
