Kreu i AAK-së, Ramush Haradinaj ka deklaruar se nuk ka asnjë zhvillim në procesin për zgjedhjen e presidentit të ri, duke fajësuar Lëvizjen Vetëvendosje për zvarritje të qëllimshme.
Sipas tij, LVV synon që fillimisht kryeparlamentarja Albulena Haxhiu të marrë rolin e ushtrueses së detyrës së presidentes, e më pas të vazhdohet me procesin e zgjedhjes.
Ndërkohë, Gjykata Kushtetuese e Kosovës i ka dhënë Kuvendit 34 ditë afat për zgjedhjen e presidentit, në të kundërtën vendi shkon në zgjedhje të parakohshme.
“Nuk po nguten para datës 5, pastaj të shohim si do ta menaxhojmë. Ne varemi nga iniciativa e tyre, opozita është e pamundur që të marrë iniciativë për një temë si kjo. I kemi 34 ditë, 10 ditë shkuan, po shihet qartë që është e lidhur me datën kur presidentja aktuale e kryen mandatin, u.d vjen Haxhiu, pra VV po pret”, ka thënë ai para nisjes së seancës së Kuvendit”, deklaroi ai. /teve1.info/
