Ish-kryetari i Aleancës, Ramush Haradinaj, ka publikuar një videomesazh në rrjetet sociale, një ditë para mbajtjes së zgjedhjeve, duke ftuar qytetarët që të marrin pjesë masivisht në procesin e votimit.
Haradinaj e ka cilësuar ditën e zgjedhjeve si një moment të rëndësishëm për vendin, duke theksuar se përmes votës qytetarët do të përcaktojnë drejtimin e ardhshëm të Kosovës në fusha si siguria, energjia dhe zhvillimi ekonomik.
“Kosovë, nesër është dita jonë. Është dita kur merret vendimi për siguri, energji e zhvillim. Dilni sa më shumë në votime”, është shprehur ai në videon e publikuar në rrjetet sociale.
Haradinaj ka kërkuar mbështetjen e votuesve për Aleancën, duke i ftuar ata që të votojnë edhe kandidatin e kësaj partie për kryeministër, Ardian Gjini.
