Daut Haradinaj nga AAK-ja thotë se largimi i qytetarëve serbë nga institucionet e Kosovës e ka krijuar këtë situatë tani ku po diskutohet për themelimin e Asociacionit.
Ai theksoi se edhe për gjysmë shekulli, Kosova do të jetë në rrethana të komplikuara me Serbinë.
Sa i përket Asociacionit, ish-deputeti Haradinaj vlerëson se implementimi i tij para njohjes reciproke, merr kohë minimumi pesë vjet.
“Ndërsa te implementimi i Asociacionit para njohjes reciproke duhet të jemi të qartë, që nëse edhe sot e kishim marrë një vendim për zbatimin e këtij plani ose projekti, ky minimumi merr pesë vjet kohë. Ne do të kemi hapësirë kohore të mjaftueshme me pa që si do të sillet Serbia në raport me Kosovën gjatë rrugëtimit tonë si Republikë. Pra nuk është një projekt sot e qon dorën dikush edhe të nesërmen në mëngjes ta ndryshon. Ky është me faza, ky është një projekt afatgjatë të cilin Qeveria e Kosovës është kompetencën në zbatimin e tij”, deklaroi ai në “Info Nata” në Tëvë 1.
Sipas tij, në raste se Qeveria e Kosovës bie në kundërshtim me interesin e qytetarëve, “qytetarët duhet të ngriten në këmbë ta rrëzojnë atë Qeveri, ta sjellin një tjetër”. /Teve1.info/
