Ai në Ditën e të Pagjeturve si dhe përvjetorin e masakrës së Mehës, ka thënë se plagët e luftën nuk mbyllen pa zbardhjen e fatit të të pagjeturve.
“Të pagjeturit janë plagë e hapur dhe dhembje e vazhdueshme për Kosovën. Dita e të Pagjeturve, shënohet pikërisht në ditën e masakrës në Meje e Korenicë ku brenda ditës u martirizuan qindra vëllezër e motra tona, vetëm pse ishin shqiptarë. Nuk rreshtim së kërkuari dhe së kujtuari. Na mungojnë çdo festë e gëzim. Plagët e luftës nuk mbyllen pa ndriçimin e fatit të tyre”, ka shkruar Haradinaj.
Ai gjithashtu ka kujtuar bashkëluftetarët në përvjetorin e rënies, Edmond Dabiqaj, Sadri Latifaj dhe Haxhi Tolaj, “nderojmë kontributin e fshatit Prejlep në Luftën
Çlirimtare, Dëshmorët e Martirët që ia fali lirisë. Prejlepi ishte në vijën e parë të frontit dhe bëri rezistencën më të mirë që e meritonte agresori. Sot gjithashtu, kujtojmë bashkëluftëtarët Bekim Thaçi, Fetah Sylejmani, Isuf Dinaj, Muhamet Bardheci, Mustafë Avdullahu, Pëllumb Ademaj, Rexhep Hajdaraj, Shkelzen Brahimaj dhe Xhavit
Fetahaj të rënë në betejat e fundit të prillit anekënd Dukagjinit”, ka shkruar Haradinaj./Teve1.info/
