Kryetari i AAK-së, Ramush Haradinaj, ka ndarë një fotografi nga salla në Uashington, ku presidenti Donald Trump pritet të mbajë fjalimin e tij në ceremoninë e Lutjeve të Mëngjesit.
Haradinaj ka theksuar rëndësinë e kësaj ngjarjeje, e cila mbledh mijëra pjesëmarrës nga mbarë bota dhe simbolizon unitetin, besimin dhe vlerat e përbashkëta.
“Për pak do të fillojë ceremonia vjetore e Lutjeve të Mëngjesit, ku Presidenti Donald J. Trump pritet të mbajë fjalim kryesor. Kjo ngjarje që bashkon mijëra pjesëmarrës nga e gjithë bota përfaqëson një moment të fuqishëm uniteti, besimi dhe vlerash të përbashkëta”, ka theksuar Haradinaj.
Ai ka vlerësuar si shumë të rëndësishme edhe praninë e Kosovës në këtë ceremoni, duke e konsideruar atë si një shenjë të marrëdhënieve të forta me SHBA-në.
“Është shumë domethënëse që Kosova të përfaqësohet në këtë ngjarje të rëndësishme, duke riafirmuar miqësinë e bekuar dhe partneritetin e qëndrueshëm të vendit tonë me Shtetet e Bashkuara të Amerikës”, ka thënë ai./teve1.info/
