Kryetari i Aleancës për Ardhmërinë e Kosovës, Ramush Haradinaj ka përkujtuar sulmet e 11 shtatorit të Shteteve të Bashkuara të Amerikës në 23-vjetorin e tyre.
Haradinaj, përmes një postimi në Facebook, ka thënë se këto sulme e kanë ndryshuar përgjithmonë kursin e globit.
Ai, po ashtu ka thënë se miqësia e përhershme me Amerikën është e pathyeshme dhe do të mbetet e palëkundur gjithmonë.
“11 Shtatori i vitit 2001, ndryshoi përgjithmonë kursin e globit. Në 23 vjetorin e 9/11, ashtu si çdo ditë, jemi pranë miqve amerikanë, pranë botës demokratike, duke kujtuar me respekt viktimat e asaj dite.
Miqësia e përhershme me Amerikën është e pathyeshme dhe ajo nuk mund të prishet nga askush, do të qëndrojë gjithmonë e palëkundur.
Në rresht me Shtetet e Bashkuara të Amerikës”, ka shkruar ai.
