Ish-kryetari i Aleancës, Ramush Haradinaj, ka zhvilluar sot një vizitë në Runik të Drenicës, ku është takuar me banorë dhe përfaqësues të angazhuar në jetën publike e shoqërore.
Haradinaj theksoi rëndësinë historike të Drenicës, duke e përshkruar atë si një trevë që ka dhënë kontribut të vazhdueshëm për çështjen kombëtare dhe lirinë e vendit.
Në këtë vizitë ishin të pranishëm edhe kandidati për deputet Agron Kajtazi, i njohur si veteran i luftës dhe aktivist në komunitet, si dhe Bekë Berisha dhe Fixhrije Dragaj.
Haradinaj tha se bashkëpunimi me njerëz të përkushtuar dhe me kontribute të dëshmuara për vendin përbën një vlerë të veçantë për angazhimin politik dhe shoqëror.
