Kryetari i Aleancës për Ardhmërinë e Kosovës, Ramush Haradinaj ka deklaruar se gjatë takimit me emisarin e BE-së, Miroslav Lajçak e kanë lexuar në tërësi draftin.
Haradinaj tha se në këtë draft nuk ndryshojnë përgjegjësitë e komunave dhe Asociacioni, por poashtu sipas tij, janë plot lehtësira që krijohën në arsim e shëndetësi, funksionimit dhe mundësive që jep Asociacioni.
“E kam parë në tërësi dokumentin… kemi lexu draftin në tërësi, pra drafti e spjegon të gjitha po quaj ashtu mundësitë që Asociacioni ju jep komunave me shumicë serbe. Pra qytetarëve që jetojnën në këto komuna, kuptohet çdo here i referohet Kushtetutës dhe ligjeve të Kosovës. Në këtë draft nuk ndryshojnë përgjegjësitë e komunave dhe Asociacioni nuk merr nga këto përgjegjësi, por poashtu janë plot lehtësira që i krijohen në arsim, në shëndetësi funksionimit dhe mundësive që jep Asociacioni”, tha ai.
“Komentet tona se a pajtohemi me këtë draft do ti bëjmë pas shqyrtimit nga Gjykata Kushtetuese, për shkak se në hyrje të dokumentit spjegohet se drafti duhet të shqyrtohet nga Gjykata Kushtetuese”, shtoi Haradinaj pas takimit.
Ndryshe, kryetari i Partisë Demokratiket të Kosovës, Memli Krasniqi, pas takimit me të dërguarin e BE-së për dialogun, Miroslav Lajçak, ka thënë se nga ai kanë marrë garanci se drafti i propozuar për Asociacionin i propozuar nga BE dhe SHBA nuk kalon përtej Kushtetutës.
Ai ka thënë se në këtë takim nuk patën mundësi ta shohin këtë draft, duke thënë se duhet të ketë më shumë transparencë.
Teksa nënkryetari i LDK-së, Lutfi Haziri tha se LDK-ja ka konfirmuar se dialogu është e vetmja rrugë për të zgjidhur problemet me shtetin serb.
Sa i përket mospublikimit të draftit të propozuar të Asociacionit, Haziri bëri të ditur se nuk kanë folur për këtë temë në veçanti, teksa potencoi se Lajçak e konfirmoi që Kosova e ka pranuar modelin evropian.
Në anën tjetër, I dërguari special i Bashkimit Evropian për dialogun Kosovë-Serbi, Miroslav Lajçak ka falënderuar të gjithë bashkëbiseduesit për rolin dhe mbështetjen e tyre aktive./teve1.info./
