Kryetari i Aleancës për Ardhmërinë e Kosovës, Ramush Haradinaj në seancën e Kuvendit të Kosovës ka deklaruar se kryeministri i Kosovës Albin Kurti, duhet të mbajë anën e drejtësisë për rastin e arrestimit të djeshëm të kryeshefit të KEK-ut, Nagip Krasniqi, shkruan teve1.info
“Sot e kisha lutur kryeministrin ta merr anën e ligjit e të drejtësisë. Edhe nëse ka dyshime edhe nëse ka konspiracione”, tha Haradinaj.
“Për të ecur përpara duhet të jemi të gatshëm edhe për sakrificë. Udhëheqësit e zotë e dinë. Që i bie, nëse dikush nga radhët e tua ka shkelur aty ku s’duhet, duhet t’ja tregosh vendin. Nuk besoj që është besnikëri me marrë pozicion të gabuar në interes të përgjithshëm. Ne në luftë i kemi lënë në rrugë njerëzit që janë vrarë, disa janë plagosur disa të tjerë janë këtu e disa nëpër burgje për çështjet tonë kombëtare”, shtoi ai.
