Kryetari i Aleancës për Ardhmërinë e Kosovës, Ramush Haradinaj, u ka bërë thirrje diasporës që të shfrytëzojnë të drejtën e votës për zgjedhjet parlamentare të Kosovës me 9 shkurt.
Haradinaj nëpërmjet një video në rrjetin social Facebook Haradinaj i ka ftuar ata që të votojnë Aleancën për Ardhmërinë e Kosovës.
“Të dashur vëllezër dhe motra në mërgim, nga sot ka filluar votimi për ju me postë. Ju që jeni regjistruar si votues, shfrytëzojeni këtë të drejtë, votoni. Votoni numrin 137, që është numri fitues. Bashkë jemi fitues”, ka thënë ai.
Ndryshe, sot më 9 janar ka nisur votimi me postë për votuesit jashtë Kosovës për zgjedhjet parlamentare të 9 shkurtit.
Votimi me postë do të zgjasë deri më 8 shkurt, ndërsa më 8 shkurt, ata do të mund të votojnë fizikisht në përfaqësi diplomatike të Kosovës në 22 vende të botës./teve1.info/
