Kryetari i Aleancës për Ardhmërinë e Kosovës (AAK), Ramush Haradinaj, ka bërë homazhe në Memorialin e Dëshmorëve Britanikë.
Haradinaj, në kujtim të heroizmit të luftëtarëve përgjatë një shekulli, vendosi kurorë lulesh pranë Memorialit.
“Britania e Madhe dhe Commonwealth-i, sot shënojnë Aktin e Përkujtimit Njëqindvjeçar për të gjithë të rënët e tyre në të gjitha luftërat, që nga Lufta e Parë Botërore. Përkulemi me nderim para sakrificës të të gjithë të rënëve britanikë, veçanërisht atyre që kanë rënë në Kosovë”, ka shkruar Haradinaj në Facebook.
“Ishim miq në kohë lufte dhe miqësia jonë vazhdon të jetë po aq e fortë edhe në kohë paqeje!”./teve1.info/
