Kryetari i Partisë Demokratike të Kosovës, Bedri Hamza ka thënë se kjo parti kundërshton ç’do tendencë politike që përmes shkeljeve kushtetuese të zgjidhet presidenti.
Hazma ka thënë se ka thënë se përpjekjet për zgjedhjen e presidentit në mënyrë të një anshme janë shkelje të Kushtetutës.
“Sot jemi përballë një akti të rrezikshëm për të ardhmen e shtetit tonë. Përpjekja për zgjedhjen e Presidentit në mënyrë të njëanshme dhe me shkelje flagrante të Kushtetutës është sulm ndaj shtetit të së drejtës, që minon rendin tonë demokratik”, ka shkruar Hamza në Facebook.
PDK siç ka thënë ai, nuk do të lejojë që vullneti i qytetarëve të injorohet nga një subjekt politik duke shfrytëzuar pushtetin.
“Partia Demokratike e Kosovës e kundërshton çdo tendencë politike për t’i shpërfillur procedurat kushtetuese. Ne nuk do të lejojmë që një subjekt politik ta shfrytëzojë pushtetin për të injoruar vullnetin e qytetarëve dhe për t’i dobësuar institucionet legjitime të vendit tonë. Veprimet e tilla ua mohojnë qytetarëve të drejtën për të vendosur për të ardhmen e tyre dhe rrezikojnë ta çojnë vendin drejt një anarkie politike, e cila mund ta destabilizojë shtetin tonë të ri”, ka thënë Hamza.
Vazhdimi i seancës për zgjedhjen e presidentit është paraparë të nis nga ora 14:00, pas ndërprerjes së asaj të paradites.
Opozita ka thënë se nuk do të marrë pjesë në këtë seancë duke akuzuar Lëvizjen Vetëvendosje se ka bërë shkelje kushtetuese në seancën e së hënës ku votimi për presidentin nisi pa praninë e së paku 80 deputetëve.
LVV ka propozuar të hënën Ferdi Rushitin dhe Hatixhe Hoxhën kandidate për presidente. /teve1.info/
