Deputeti nga Partia Demokratike e Kosovës, Xhavit Haliti, thotë se Qeveria aktuale e veçanërisht kryeministri, Albin Kurti është në një situatë të palakmueshme.
Haliti thotë se Kurti ka ardhur në pushtet duke premtuar bashkimin e kombit, mirëpo siç tha ai, duket që kryeministri nuk ka aq marrëdhënie të mira me Shqipërinë, shkruan teve1.info.
“Qeveria e Kosovës është në një situatë jo të lakmueshme, e në këtë situatë të palakmueshme, më së shumti është kryeministri, Albin Kurti. Ai ka ardhur në pushtet duke premtuar bashkimin e kombit. Ka ardhur në pushtet duke thënë se do ta luftojnë korrupsionin. I ka ofruar diasporës mundësi në Kosovë, por çfarë ka ndodhur. Nuk e shoh që kjo Qeveri dhe ky kryeminstër, ka marrëdhënie çfare do duhej t’i kishte me Shqipërinë”, deklaroi Haliti në emisionin “Këndi i Debatit” në Tëvë1.
