Sulmuesi Antoine Griezmann do ta vazhdojë karrierën në ligën MLS të SHBA-së, ku veçse gjendet për të firmosur kontratën me klubin e ri.
Griezmann në fund të sezonit aktual, do të largohet nga Atletico Madridi si lojtar i lirë për t’u transferuar tek Orlando City.
Bëhet e ditur se Griezmann është në SHBA, pasi Atletico Madridi i ka dhënë leje pas humbjes 3:2 kundër Realit, për të firmosur kontratën me skuadrën amerikane.
Griezmann do të firmos deri në vitin 2029 dhe Orlandos do ti bashkohet në verë edhe pse ka kontratë valide me Atleticon deri në vitin 2027.
Me transferimin në SHBA, Griezmann largohet nga futbolli evropian me një karrierë të pasur dhe të mbushur me trofe, si pjesë e skuadrave Atletico Madrid, Barcelona e Real Sociedad.
Gjatë karrierës në Spanjë, Griezmann ka fituar titullin e kampionit, Kupën e Superkupën e Spanjës, si dhe Ligën e Evropës dhe Superkupën e UEFA-s.
