Goli i Sidny Lopes Cabral për Kepin e Gjelbër ndaj Argjentinës në 1/16 e finales është votuar si goli më i mirë i Kupës së Botës, ka njoftuar FIFA.
Cabral shënoi supergol me goditje nga krahu i majtë. Topi i goditur nga Cabral shkoi në kënd të portës, duke e lënë pa gjasa portierin e Argjentinës, Emiliano Martinez. Ylli i Kepit të Gjelbër fillimisht u lirua mjeshtërisht nga Alexis Mac Allister.
Lopes Cabral kishte shënuar në minutën e 103-të për të barazuar rezultatin në 2:2. Më pas Diney shënoi autogol në minutën e 111-të për fitoren 3:2 të Argjentinës pas vazhdimeve.
Eldor Shomurodov i Uzbekistanit e shënoi golin e dytë më të bukur, ndërsa Wilson Isidor i Haitit të tretin.
“Të gjithë ëndërrojnë vetëm të shënojnë gol në Kupën e Botës. Por të shënosh në këtë mënyrë, në një skenë kaq të madhe, kundër një ekipi kaq të madh, është e mahnitshme. Isha vërtet i lumtur”, ka thënë Cabral.
