Gjykata e Apelit e Kosovës ka refuzuar si të pabazuara ankesat e mbrojtësve të 21 të pandehurve: R.N., A.K., R.B., A.I., A.Gj., E.I., Sh.B., A.V., B.Sh., E.E., R.V., R.B., A.R., E.B., A.M., K.D., O.V., L.T., K.B., K.A., Y.M. dhe S.L.
Me këtë vendim, Gjykata e Apelit ka vërtetuar aktvendimin e Gjykatës Themelore në Prishtinë – Departamenti Special (PPPS.nr.50/2024), të datës 04 qershor 2025, për caktimin e masës së paraburgimit ndaj të pandehurve.
Sipas vendimit të Gjykatës Themelore, të pandehurve u është caktuar masa e paraburgimit në kohëzgjatje prej një muaji nga data 03 qershor deri më 03 korrik 2025 – në përputhje me nenin 184, paragrafi 1, nënparagrafët 1.1 dhe 1.2, pikat 1.2.1, 1.2.2 dhe 1.2.3 të Kodit të Procedurës Penale të Kosovës (KPPK).
Vendimi i Gjykatës së Apelit vjen si konfirmim i masave të ndërmarra nga shkalla e parë, duke forcuar qëndrueshmërinë ligjore të vendimeve në kuadër të procedurës penale në çështje me ndjeshmëri të lartë.
