Gjoshi në emisionin “Info Nata” në Tëvë1, ka thënë se puna e Kabinetit të Qeverisjes së Mirë do të ndihmojë në kualitetin e qeverisjes.
“Puna e kabinetit të Qeverisjes së Mirë do të ndihmojë në kualitetin e qeverisjes përmes vizionit që do të paraqesin, përmes kujdesit që do të paraqesim karshi veprimeve ndaj qeverisë do të përmirësojnë edhe interesin”, tha ai.
Ai foli edhe për reagimin e Ilir Kërçeli, shefit të kabinetit të kryetarit të Kuvendit të Kosovës, Glauk Konjufca, i cili Kabinetin për Qeverisje të Mirë të PDK-së e quajti kabinet të opozitës për 15 vjet.
Sipas Gjoshit, ironizimet e tilla janë pa vend.
“Ne po shohim një mungesë totale të funksionimit të institucioneve në Kosovë. E kemi parë që gjatë këtyre ditëve më shumë i kemi duke u shëtit liderët e vendit. Nuk është bërë asnjë punë e mirë për më shumë se 30 muaj që PDK-ja është në opozitë, pra nuk kemi parë asnjë punë që mund të krenohemi si qytetarë të Kosovës. Shaka të tilla janë pa vend dhe është më mirë që të bëjnë më të mirën për qytetarët e Kosovës, për ata që i kanë votuar. Kuvendi është njëri prej institucioneve më funksionali në vend. Ka një numër shumë të vogël ligjesh, shpesh përballet me kriza, ka mungesë drejtimi dhe është më mirë që të merren me atë”,theksoi ai.
Gjoshi thotë se njëra prej punëve si Kabinet i Qeverisjes së Mirë është që t’ia shkurtojë Qeverisë mandatin e saj.
“Ne si kabinet i qeverisjes së mirë, një prej punëve tona që e kemi është që t’ia shkurtojmë sa më shpejtë kësaj qeverie të dobët mandatin e saj”, tha Gjoshi. /teve1.info/
