Basketbollistët e Gjermanisë kanë shënuar fitore bindëse në ditën e parë të “Eurobasketit”.
Në ndeshjen e luajtur në “Tampere Deck Arena” në Finlandë, Gjermania triumfoi me rezultatin e thellë 106:76 ndaj Malit të Zi në kuadër të Grupit B.
Gjermania dominoi ndeshjen kurse shkëputjen e madhe në rezultat e bëri në çerekun e tretë, të cilin e fitoi me shifrat 33:12.
Edhe periudhën e fundit, Gjermania ishte bindëse duke e fituar me rezultat derisa çereku i parë dhe i dytë, përfunduan 20:24 për gjermanët dhe 23:22 për Malin e Zi, dhjetëminutëshi i vetëm i fituar.
Franz Wagner me 22 pikë e 8 kërcime ishte më i dalluari te Gjermania, ku u veçua edhe Dennis Schroder me 21 pikë të shënuara.
Te Mali i Zi, u dalluan Nikola Vuçeviq me 23 pikë e 10 kërcime dhe Kyle Allman me 18 pikë të realizuara.
Me këtë fitore, Gjermania ka tubuar 2 pikë në Grupin B sikurse Lituania, kombëtare që ndeshjet e radhës i luajnë të premten.
Gjermania përballet me Suedinë kurse Lituania luan kundër Malit të Zi.
