Vendimi i arbitrave për të mos dhënë penallti për lojën me dorë të mbrojtësit të Spanjës, Marc Cucurella vazhdon të jetë temë diskutimi në Gjermani.
Gjermania u eliminua nga Spanja në çerekfinale të “Euro 2024” javën e shkuar, por mbi 380 mijë gjermanë e kanë firmosur një peticion online ku bëhet thirrje që kjo ndeshje të përsëritet.
Arsyeja për nisjen e peticionit është loja me dorë e Cucurellas dhe vendimi i arbitrave për të mos dhënë penallti në favor të Gjermanisë.
Po ashtu, është përmendur edhe një penallti që nuk i është dhënë Gjermanisë në minutën e 77-të në këtë peticion, i cili nuk ka shans të sjell ndonjë ndryshim.
UEFA ka konfirmuar se vendimi i arbitrit ishte i drejtë për të mos dhënë penallti kurse ekspertët e referimit janë të ndarë në vlerësimet e tyre.
Disa vlerësojnë se penallti nuk kishte e disa të tjerë që penalltia është dashur të referohet. Gjermania u mposht 2:1 nga Spanja pas dy vazhdimeve nga 15-të minuta, pasi koha e rregullt përfundoi me rezultatin 1:1.
