Sot rreth orës 15:00, një person është gjetur pa shenja jete në rrugën “Afrim Loxha” në Prishtinë.
Zëdhënësja e Policisë për Rajonin e Prishtinës Flora Ahmeti, tha për teve1. info se njësiti policorë dhe mjekët emergjentë kanë dalë në vendin e ngjarjes.
“Rreth orës 15:00, kemi pranuar informatën për një person të alivanosur në rrugën “Afrim Loxha” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se viktima, mashkull, është pa shenja jete”, tha ajo.
Derisa theksoi se kanë nisur hetimet për këtë rast.
“Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha Ahmeti./teve1.info./
