Njësitet relevante shkuan në vendin e ngjarjes me pajisjet e nevojshme për gërmim.
Terreni nuk ishte aspak i lehtë. E gërmimet zgjatën më orë të tëra.
Rezultatet ne fund dolën negative, megjithatë kërkimet janë duke vazhduar.
Antropologu i forenzikes, Ditor Haliti, tregon detaje nga ky proces.
Në këtë operacion kërkimi prezente ishte edhe antropologia nga ekipi Eulexit, Luisa Marinho.
“Jemi duke punuar aktivisht për zbardhjen e fatit të pagjeturve. Sot kërkimet që bëmë dolën negative, sepse trupin nuk e gjetëm. Por ne do të vazhdojmë të kërkojmë edhe në ditët në vijim. Kemi më shumë informacione tani, dhe e dimë saktë se ku po gërmojmë. Me të vërteë është një proces kompleks, ndjej keqardhje për familjet që po presin përgjigje për të afërmit e tyre”, tha Marinho.
Ditë më parë autoritetet nga Kosova në mënyrë të suksesshme gjetën mbetje mortore të një personi në fshatin Pllanjan në Prizren.
Gërmime intensive do të vazhdojnë edhe në ditët e ardhshme.
Raporti i gazetarit Shpat Blakçori.
