Edhe kjo javë e garave evropiane të futbollit nuk ka kaluar pa u përfshirë gjyqtarët nga Kosova.
Një tjetër ndeshje për gjyqtarët kosovar në skenën evropiane, ka shkruar FFK me mburrje për delegimin nga UEFA.
Genc Nuza do të jetë gjyqtari kryesor në ndeshjen Ilves – Rijeka, që është duel i kthimit dhe i takon raundit të tretë kualifikues të Ligës së Konferencës.
Nuza do të ndihmohet nga asistentët Lumturije Muhadri e Alban Ejupi, gjyqtar i katërt do të jetë Ilir Mehmeti kurse në rolin e AVAR është caktuar Mentor Ajeto.
Kjo ndeshje zhvillohet të mërkurën në Tampere të Filandës, ndërsa Rijeka e ka fituar 1:0 duelin e parë ndaj Ilvesit të luajtur javën e shkuar në Kroaci.
“Suksese ekipit tonë të gjyqtarëve në këtë tjetër paraqitje të rëndësishme në arenën evropiane”, ka shkruar FFK.
