Presidenti i Turqisë, Recep Tayyip Erdogan, duke folur nw Asamblenw e Pwrgjithshme tw OKB-sw, ka kritikuar ashpër Izraelin për situatën në Gaza, duke e përshkruar territorin palestinez si “kampi i përqendrimit më çnjerëzor dhe më i turpshëm i kohës sonë”.
Erdogan tha se afro 74,000 palestinezë janë vrarë nga ajo që ai e cilësoi si “terrorizmi shtetëror” i Izraelit, ndërsa e quajti Gazën “varreza më e madhe e fëmijëve në botë” dhe dënoi “mentalitetin gjenocidal” të Izraelit.
Ai u bëri thirrje vendeve anëtare të OKB-së të njohin Palestinën, të ushtrojnë “presion më të madh” mbi Izraelin dhe të nisin rindërtimin e Gazës “pa vonesë”.
Presidenti turk përsëriti mbështetjen për krijimin e një shteti palestinez bazuar në kufijtë e vitit 1967, me Jerusalemin Lindor si kryeqytet, duke thënë se “përpjekjet për të shtypur” një shtet palestinez do të dështojnë.
