Gennaro Gattuso është selektor i Italisë në futboll.
Federata e Futbollit e Italisë, të dielën e konfirmoi Gatusson si selektor të ri, ndërsa prezantimi i tij do të mbëhet të enjten.
Gatusso ka pasur karrierë të suksesshme si futbollist dhe tani i është besuar drejtimi i njërës prej përfaqësueseve më të mira në botë.
Gattuso e zëvendëson Luciano Spalleti që u shkarkua një javë më parë pas një humbje të papritur nga Norvegjia. Spalletti ishte në krye të Italisë nga 18 gushti i vitit 2023 deri më 9 qershor të këtij viti.
47-vjeçari Gattuso për Italinë i ka luajtur 73 ndeshje dhe ka realizuar një gol. Karrierë ka bërë te Perugia, Rangersi, Salernitana, Milani dhe te Sioni në Zvicër.
Si trajner ka drejtuar skuadra si Sion, Palermo, OFI Crete, Pisa, Milan, Napoli, Valencia, Marseille. Së fundi ishte te Hajduku i Splitit në Kroaci, por nuk arriti synimet për ta fituar titullin e kampionit.
Megjithatë, federata italiane ia besoi pozitën e selektorit. Me Italinë, Gattuso si lojtar e kishte fituar Botërorin në vitin 2006. Ka fituar trofe edhe me Milanin, duke përfshirë dy tituj në Serie A dhe dy në Ligën e Kampionëve.
Pas disfatës 3:0 nga Norvegjia më 6 qershor, Italia fitoi 2:0 ndaj Moldavisë më 9 qershor. Gattuso do të debutojë më 5 shtator në ndeshjen kualifikuese për Kupën e Botës 2026, ndaj Estonisë.
