“Ministria e Drejtësisë po mundohet me ose pa dashje me i ndërru edhe bazat e sistemit të drejtësisë në Kosovë. Pse po e themi këtë, sipas ndryshimeve të reja që i ka bo ministrja Haxhiu, tash kreditori, personi që e kërkon borxhin është i detyruar që një pjesë të shpenzimeve t’i paguajë ai, pa fajin e tij, i njëjti person që me vite të tera është shëtitur nëpër gjykata tona për me e fitu lëndën, tash detyrohet që në procedurë me e ble në njëfarë mënyre të drejtën e tij. Pse, sepse duhet me pagu procesin e përmbarimit, se përqindjen duhet me e pagu ai që e bën realizimin e të drejtës. Kjo për ne është në shkelje të Kushtetutës, në shkelje të ligjeve, në shkelje të parimeve të përgjithshme të drejtësisë, në shkelje të parimeve të procedurës civile, mbi të gjitha është e dëmshme dhe e panatyrshme”, është shprehur ai.
Gashi në emisionin “De Jure” në TëVë1 ka thënë se vetëm në Shqipëri ekziston sistemi që përmbaruesi bën pazar me palën në procedurë, ku kreditori paguan përqindjet e përmbaruesit. Por, sipas tij, harrohet që në Shqipëri ekziston përmbarimi publik edhe përmbarimi privat dhe se përmbaruesi privat në këtë vend nuk ka kompetencë vendimmarrëse, por vetëm vendimzbatuese.
Ndërsa, thotë se përmbaruesi në Kosovë është faktikisht gjyqtar i përmbarimit, sepse ka kompetencë vendimmarrëse, nxjerr vendime gjyqësore të cilat i zbaton.
“Mbi këtë bazë i kemi thënë në vazhdimësi ministres, e kemi lutë, i kemi thënë mos bëjë shkelje të tillë, mos e shkel Kushtetutën, mos e shkel ligjin për procedura përmbarimore, mos e shkel ligjin për procedurë kontestimore, mos i shkel vendimet gjyqësore, mos i shkel parimet e drejtësisë, mos i shkel parimet e procedurës civile për diçka të panatyrshme”, ka theksuar ai.
Për më shumë, ndiqeni emisionin “De Jure”, me temën “Sfidat e përmbaruesve privatë”, i cili transmetohet në Tëvë1 dhe “Betimi për Drejtësi”./Tëvë1/
