Njohësi i çështjeve të sigurisë dhe ish zëvendësministri për Komunitete, Milazim Gashi, tha se kryeministri Kurti duhet të marrë një pension psikologjik pasi sipas tij nuk është për politikë, raporton teve1.info
Në emisionin “Info-Nata” në Tëvë1, Gashi tha se këshillat për çështjen ndëretnike i ka pas të gabuara.
“Zoti Kurti duhet të kalkuloj që të merr një pension psikologjik dhe që nuk është për politik, më vjen shumë keq, mund të jetë një djalë shumë i mirë por për politikë, nuk është për këtë zanat”, tha ai.
Ndërsa takimin e Kurtit me PDK-në e quajti mjegull dhe lajthitje publike.
“Ajo ishte një mjegull e zotit Kurti dhe një lajthitje publike asgjë më shumë. PDK-ja ka rënë në gracën e zotit Kurti”, tha ai.
