Dy skuadrat e njohura nga Serie A e Italisë, Juventusi dhe Roma nuk po heqin dorë nga shërbimet e futbollistit të Kombëtares së Kosovës, Edon Zhegrova.
Në fakt, këto dy skuadra po zhvillojnë garë të ashpër për transferimin e Zhegrovës në fund të sezonit aktual.
Zhegrova që është njëri prej lojtarëve kryesor te Lille këtë sezon, pritet të largohet në verë nga ekipi francez dhe gjasat janë të mëdha që karrierën ta vazhdoj në Itali.
Te Lille janë të gatshëm ta shesin Zhegrovën për të paktën 20 milionë euro, ndërsa thuhet se Juventusi është në avantazh ndaj Romës për shkak të raporteve të mira me agjentin e 25-vjeçarit.
Zhegrova prej vitit 2022 është pjesë e Lillet, ekip me të cilin ka kontratë deri në verën e vitit 2026 kurse edhe këtë sezon ka vazhduar me paraqitje të mira.
Në 21 ndeshje të luajtura në të gjitha garat deri më tani, Zhegrova ka shënuar 8 gola dhe ka bërë 2 asistime.
