Fitorja e parë dhe historike e Kanadasë në Kupën e Botës mbeti në hije të lëndimit të tmerrshëm të mesfushorit Ismael Kone. Kanadaja fitoi 6:0 ndaj Katarit, në orët e para të së premtes.
Kone lëndoi rëndë këmbën e majtë, kur mesfushori i Katarit, Assim Mabido e goditi nga prapa në pjesën e dytë të ndeshjes. 24-vjeçari Kone u trajtua në fushë para se të nxirrej me barelë.
Mabidu u përjashtua.
Kone u dërgua shpejt në një spital ku po përgatitje për operacion, ndërsa ishte i rrethuar nga familja.
Trajneri Jesse Marsch dha se ndërhyrja ndodhi para stolit dhe është dëgjuar “kërcitja e eshtrave”.
“Të gjithë mbetën të shkatërruar kur ndodhi, por u desh të gjenim mënyrë për të mbetur të fokusuar. E dinim që Ismael donte që ne ta përfundonim punën”, tha Marsch.
“Ka shumë mendime që na kalojnë nëpër kokë tani. Të gjithë po mendojmë për të, por të gjithë jemi shumë krenarë për atë që jemi”, ka shtuar selektori kanadez.
Mabido i ka kërkuar falje personale Kones.
Kartoni i kuq i Mabidos e la Katarin me nëntë lojtarë, pasi Homam Ahmed u përjashtua në pjesën e parë.
Jonathan David, që realizoi “hat-trick”, ka pyetur nëse ndërhyrja ishte e nevojshme.
“Nëse është situatë ku nuk mund të fitoni topin, atëherë nuk ka kuptim. Është vetëm për të lënduar tjetrin”, ka thënë David.
