Ashtu siç është pritur, Kombëtarja e Spanjës ka më së shumti lojtarë në formacionin më të mirë të Kupës së Botës.
Pedro Porro, Marc Cucurella dhe Rodri janë prej lojtarëve të kampiones së Botës që kanë zënë vend në 11-shen më të mirë të turneut.
Megjithatë, në këtë formacion ka edhe befasi, pasi portieri i Spanjës, Unai Simon që pranoi vetëm një gol dhe u shpall më i miri, ka humbur garën me Vozinhan.
Portieri i Kepit të Gjelbër mori pothuajse 40% të votave, duke tejkaluar fituesin e “Dorëzës së Artë” të turneut.
Përzgjedhja e formacionit më të mirë u bë sipas votave të publikut, ndërsa FIFA hapi menjëherë pas Botërorit procesin e votimit.
Në formacionin e Botërorit mungon edhe kapiteni i Anglisë, sulmuesi Harry Kane.
Kylian Mbappe, Erling Haaland dhe Lionel Messi morën secili më shumë se 20% të votave, ku sulmuesi francez kiishte përqindjen më të lartë të votave.
Formacioni i Botërorit është 4-3-3, me Vozinhan në portë, pastaj Lisandro Martinez, Dayot Upamecano, Marc Cucurella e Pedro Porro në mbrojtje.
Mesfusha përbëhet nga treshja Rodri, Michael Olise e Jude Bellingham kurse sulmit i prijnë Messi, Haaland e Mbappe.
