Si çdo javë, faqet e specializuara të statistikave kanë publikuar formacionet më të mira të javës në ligat kryesore evropiane, e njëjta gjë ka ndodhur edhe në Bundesliga 2, ku një nga futbollistët më të dalluar shqiptarë ka zënë vend në formacionin ideal.
Bëhet fjalë për Florent Muslijën, yllin e Fortuna Düsseldorf, i cili ka qenë vendimtar në ndeshjen ndaj Greuther Fürth.
Reprezentuesi i Kosovës zhvilloi një paraqitje të shkëlqyer, duke kontribuar drejtpërdrejt në rezultat me një gol dhe një asist, duke qenë një nga lojtarët më të mirë në fushë.
Paraqitja e fortë e tij nuk kaloi pa u vënë re, pasi u shpërblye me një vend në formacionin e javës në Bundesliga 2.
Sipas faqes së njohur të statistikave “Sofascore”, Muslija u vlerësua me notën e lartë 8.6, një nga vlerësimet më të mira të javës, çka dëshmon ndikimin e madh që ai pati në lojën e Fortuna Düsseldorf.
Ky vlerësim përforcon edhe më shumë rolin e Muslijës si një nga lojtarët kyç të skuadrës së tij dhe një nga futbollistët më në formë të Kosovës.
