Plazhi është vend qetësues për ne, por për flokët, dielli, kripa dhe rëra mund të jenë faktorë dëmtues të rrezikshëm.
Rrezet UV, uji i detit dhe era e fortë mund të ndikojnë në tharje, këputje dhe humbje shkëlqimi të flokëve.
Kujdesi për flokët në plazh nuk kërkon shumë kohë, por bën një diferencë të madhe në pamjen dhe shëndetin e tyre. Me pak përkujdesje dhe produktet e duhura, flokët mund të mbeten të butë, me shkëlqim dhe të mbrojtur gjatë gjithë verës.
Për të mbajtur flokët të shëndetshëm dhe të bukur gjatë pushimeve, mjafton të ndjekësh disa këshilla të thjeshta, por efektive.
1. Mbroji flokët nga dielli
Ashtu si lëkura, edhe flokët kanë nevojë për mbrojtje ndaj rrezeve të dëmshme UV. Përdor një spray ose vaj me filtër UV për flokë. Këto produkte krijojnë një shtresë mbrojtëse që ndihmon në parandalimin e tharjes dhe dëmtimit të fijeve.
2. Përdor kapele ose shall për kokën
Aksesorët si kapelet me strehë të gjerë apo shajet e lehtë janë jo vetëm stil, por edhe mbrojtje praktike. Ata ndihmojnë në mbrojtjen e skalpit dhe fijeve nga ekspozimi i drejtpërdrejtë ndaj diellit dhe ruajnë lagështinë natyrale të flokëve.
3. Laji flokët me ujë të pastër para hyrjes në det
Një truk i thjeshtë, por shumë i dobishëm: laji flokët me ujë të freskët përpara se të hysh në det. Kjo do të kufizojë përthithjen e kripës, duke mbrojtur më mirë strukturën e flokëve.
4. Apliko produkte hidratuese gjatë ditës
Spray me përbërje hidratuese ose vajra të lehtë si ai i kokosit apo arganit janë idealë për t’u përdorur gjatë qëndrimit në diell. Ato parandalojnë tharjen, ngatërrimin dhe elektrizimin e flokëve.
5. Mos i krih flokët e lagur me furçë të zakonshme
Flokët janë më të brishtë kur janë të lagur. Përdor gishtat ose një krehër me dhëmbë të rrallë për t’i ndarë, duke shmangur këputjen apo dëmtimin.
6. Shpëlaji flokët menjëherë pas plazhit
Pas ekspozimit ndaj ujit të kripur ose klorit, është e rëndësishme të shpëlash flokët me ujë të bollshëm. Përdor një shampo e butë dhe balsam ushqyes për të rikthyer hidratimin dhe për të parandaluar efektin “kashtë”.
