“Lufta. Çfarë është e kundërta e muzikës? Heshtja e qyteteve të shkatërruara dhe njerëzve të vrarë…”- nisi presidenti fjalimin e tij.
“Fëmijët tanë vizatojnë raketa fluturuese, jo yje që bien nga qielli. Mbi 400 fëmijë janë lënduar dhe 153 fëmijë kanë vdekur dhe nuk do t’i shohim kurrë duke vizatuar. Prindërit tanë janë të lumtur që zgjohen në mëngjes në strehimoret kundër bombave, por janë gjallë. Të dashurit tanë nuk e dinë nëse do të jemi sërish bashkë. Lufta nuk na lë të zgjedhim se kush do të mbijetojë dhe kush do të qëndrojë në heshtje të përjetshme.
Muzikantët tanë veshin parzmore në vend të kostumeve. U këndojnë të plagosurve në spitale, edhe atyre që nuk mund t’i dëgjojnë. Por muzika do të depërtojë gjithsesi. Ne mbrojmë lirinë tonë, jetën, dashurinë, muzikën. Në tokën tonë, ne po luftojmë Rusinë, e cila sjell heshtje të tmerrshme me bombat e saj. Largoni heshtjen me muzikën tuaj. Tregoni historinë tonë. Tregoni të vërtetën për luftën në rrjete sociale dhe televizion. Mos heshtni!”- ka bërë thirrje Zelenskyy.
Pas fjalimit të presidentit, këngëtari John Legend performoi këngën e tij të re të titulluar “Free”, teksa luante në piano i shoqëruar nga muzikantja ukrainase Siuzanna Iglidan, këngëtarja ukrainase Mika Newton dhe poetja ukrainase Lyuba Yakimchuk./iconstyle.al/
