Trajneri Ruben Amorim dhe Manchester Unitedi kanë vazhduar ecurinë e rezultateve pozitive, pas fitores 4:0 ndaj Evertonit në Premier League.
Ndeshja i ka takuar xhiros së 13-të të kampionatit elitar anglez.
Pas barazimit 1:1 në udhëtim tek Ipswichi kur tekniku portugez debutoi si trajner i “djajve të kuq”, të dielën u regjistrua fitorja e dytë rresht në “Old Trafford”.
Në mesjavë, Unitedi mposhti 3:2 Bodo/Glimtin në Ligën e Evropës.
Marcus Rashford dhe Joshua Zirkzee ishin shënuesit e golave të fitores.
Rashford në minutën e 34-t dhe Zirkzee në minutën e 41-të, shënuan për 2:0 në pjesë ne parë. Që të dy u asistuan nga kapiteni Bruno Fernandes.
Rashford e Zirkzee në pjesën e dytë, përkatësisht në minutat 46 dhe 64-t, u asistuan nga Amad Diallo.
Me 19 pikë pas 13 ndeshjeve të luajtura, Manchester Unitedi zë pozitën e nëntë, ndërsa Evertoni me 11 pikë, zë vendin e 15-të në tabelë.
