Skuadra nga Serie A, Fiorentina është finalistja e parë e Ligës së Konferencës.
Fiorentina, të mërkurën mbrëma u kualifikua në finalen e kësaj gare pasi në gjysmëfinale eliminoi Club Bruggen e Belgjikës.
Në ndeshjen e kthimit të luajtur në Belgjikë, Brugge dhe Fiorentina barazuan 1:1 por ekipit italian i mjaftoi fitorja 3:2 në duelin e parë të luajtur javën e shkuar në Itali.
Kështu që, Fiorentina avancoi në finale me rezultatin e përgjithshëm 4:3.
Brugge avancoi me golin e Hans Vanaken në minutën e 20-të, përpara se Fiorentina të kundërpërgjigjet Lucas Beltrain (85’) nga penalltia për rezultatin përfundimtar të takimit.
Në finale, Fiorentina e pret fituesin e gjysmëfinales tjetër mes Olympiacosit dhe Aston Villas.
Dueli i parë mes këtyre dy skuadrave ka përfunduar me fitoren 4:2 të Olympiacosit, ndërsa ndeshja e kthimit luhet të enjten prej orës 21:00 në Greqi.