Sipas një statusi në Facebook, Gerdovci ka bërë të ditur se me këtë projekt po përfundon edhe koha e therjes së kafshëve në rrugë dhe sipas tij, pa kurrfarë standardi.
“Projekti për ndërtimin e Thertores Publike do t’i plotësoj të gjitha kushtet higjieno-sanitare për sigurimin e mishit dhe produkteve të mishit për qytetarët e Prishtinës. Prioriteti ynë është mbrojtja e shëndetit publik dhe garantimi i sigurisë dhe cilësisë së ushqimit.
Një falënderim i madh për Shoqatën “Jetimët e Ballkanit”, e cila e ka dhuruar si donacion këtë projekt modern të thertores së kryeqytetit. Me këtë nismë po e zgjidhim një problem të kamotshëm që me shumë të drejtë i ka brengosur bashkëqytetarët tanë”, ka shkruar ndër të tjera Gerdovci.
