Sonte zhvillohen ndeshjet qerefinale të Kupës së Kosovës në basketboll, në konkurrencën e meshkujve.
Shorti ishte hedhur pas shtatë xhirove të zhvilluara sipas sistemit të Bergerit, ndërsa ndeshjet do të zhvillohen me sistem vajte – ardhje.
Përballja kryesore do të zhvillohet ndërmjet rivalëve të vjetër, Pejës dhe Sigal Prishtinës.
Takimet ndërmjet këtyre dy skuadrave gjithmonë kanë qenë interesante dhe kështu pritet edhe të mërkurën mbrëma.
Si Peja ashtu dhe Prishtina kanë bërë disa ndryshime në skuadra gjatë pushimit të kombëtareve, ndërsa në fundjavë të dy skuadrat arritën fitore të rëndësishme.
Prishtinasit ndodhen në pozitën e tretë të renditjes tabelare, ndërsa Verdhezinjtë në të katërtën.
Dueli zhvillohet në palestrën “Karragaqi” nga ora 19:00.
Po ashtu sot zhvillohet dhe sfida ndërmjet Vëllaznimit dhe Golden Eagle Yllit.
Edhe kjo sifdë zhvillohet nga ora 19:00, por në palestrën “Shani Nushi” të Gjakovës.
Te ky takim, favorit në letër shihet Ylli, por gjakovarët shpesh herë prishnin llogari me ndihmën e tifozëve.
Të dy skuadrat në vikend pësuan, me Vëllaznimin që u mposht nga Trepça, teksa Ylli pësoi në dramën ndaj Sigal Prishtinës.
Vëllaznimi ndodhet i 7-ti në renditjen tabelare, teksa Ylli zë vendin e pestë.
Ditën e nesërme zhvillohen dhe duelet tjera të Kupës, ku ndeshen, Proton Cable Prizreni – Trepça dhe Bora – Bashkimi.
