Skuadra e Ferizajt që garon në Superligën e Kosovës në futboll, ka vazhduar me përforcime për sezonin e ri.
Të martën, Ferizaj e ka prezantuar mesfushorin Alban Shabani, i cili ka firmosur kontratë me klubin elitar për sezonin 2025/26.
Së fundmi, Shabani ishte pjesë e Laçit në Kategorinë Superiore të Shqipërisë, ndërsa në Kosovë ka luajtur edhe për Feronikelin.
“Me përvojën dhe energjinë e tij në mesfushë, ai pritet të jetë një shtyllë e rëndësishme për ekipin tonë në sezonin e ri. Mirë se erdhe, Alban! Na pritet një rrugëtim i përbashkët plot suksese!”, ka shkruar ndër të tjera Ferizaj në njoftim.
